Napulo ka mga Barangay sa dakbayan sa Pagadian, gipailalom sa State of Calamity Makadawat na og hinabang

Pagadian City————Makadawat na og hinabang ang napulo ka mga Barangay sa dakbayan sa Pagadian human kining naapektohan tungod sa paghapak sa Bagyong Vinta sa miaging mga adlaw sa dakbayan sa Pagadian, lalawigan sa Zamboanga del sur.

Sumala pa ni Haron Damada, Action Officer sa buhatan sa City Disaster Risk Reduction and Management Council (CDRRMC) sa dakbayan sa Pagadian nga ang napulo ka mga Barangay diin migawas sa ilang pagsuta nga ubay-ubay ang naapektohan tungod sa Bagyong Vinta mao ang Barangay WhiteBeach, Santa Lucia, Napolan, Poloyagan, Tawagan Sur, Bomba, Dumagoc, Muricay, San Pedro ug ang Barangay Kawit.




Nasuta sa ilang assessment nga 215 ektaryang mga seaweeds ang nangadaot diin mokabat sab ngadto sa 18 Milyones pesos ang damyos sa mga kalsada ug uban pang mga gambalay tungod sa walay undang nga pagbundak sa ulan dala ni Vinta.

Apan luyo paman sa maong kadaot, mapasalamaton gihapon ang lokal nga panggamhanan sa dakbayan sa Pagadian tungod walay kinabuhing nakalas atol sa paghapak sa Bagyong Vinta. (DXPR News Team)

RMN DXPR



Leave a Reply

Your email address will not be published.