Nagbahad ang tropa Provincial Drug Enforcement Unit kun (PDEU) Zamboanga del Sur ngadto sa mga indibidwal nga kanhi nang nitahan sa Oplan Tokhang apan sekreto nga nibalik sa bisyo nga ila nang ipatuman ang balaod. Sa eksklusibo nga interview sa RMN-Pagadian kang PCPT NEIL CLIFTON PUGOY ang labaw sa PDEU sa probinsya, gisulti niini nga padayon nilang giimonitor ang mga lihok sa kanhing mga misurender ilabina nga dunay taho nga ilang nasayran nga mibalik sa pagpamaligya ug pagamit sa illegal nga droga ang pipila ka mga drug surrenderees.
Amindo si Pugoy nga daghang mga nitahan sa probinsya kaniadto ang nagtoo nga limpyo na ang ilang mga pangalan rason nga nibalik sa illegal nga buhat. Giahangyo pa sa ospisyal ang mga kanhing nanurender nga undangon na kini nga matang sa bisyo kay kun dili mapugos sila sa pagsilot niini pinaagi sa ikasa nga operasyon.