Gihipos sa mga awtoridad ang mga minor de edad nga gituohang tighingos og rugby nga namuyo likod nga bahin sa Taclobo Stage ning dakbayan sa Pagadian.
Usa ka rescue operation ang gipahigayun sa Pagadian City Police Station pinaagi sa pakigkutay sa City Social Welfare and Development Office , mga opisyal sa Barangay ug mga tanod. Matud ni Liesli Panduma ang labaw sa CWDO, nga ang mga batan-on nga gipang-rescue dili taga dakbayan sa Pagadian kundili gikan sa silingan nga lungsod. Ang upat ka menor de edad nga narescue giturn-over na karon sa Children’s Center aron ipailalom sa rehabilitasyon samtang gisuta usab ang identipikasyon sa mga ginikanan niini. Nasapnan ang mga bata sa likod sa Taclobo Stage giingong gihimo’ng pinuy-anan sa mga batan-on ug tagu-anan human manglimos ngadto sa mga dumuduong sa syudad.
Gipahidumduman usab ni Panduma ang mga ginikan sa ilang kaakohan ang pag-amuma, pag-atiman ug pagpatungha sa ilang anak aron dili kini mahaylo sa mga barkada nga anaa nagyampungad sa kadalanan. Ang lakang nga gihimo sa Pagadian Police, CSWDO ug Barangay Official tubag sa reklamo ug problema nga gisang-at sa usa ka apohan dinhi sa RMN-DXPR Pagadian