2 ka bata nga taga-Zamboanga Del Sur, gihakot ang unom (6) ka bulawang medalya

2 ka bata nga taga-Zamboanga Del Sur, gihakot ang unom (6) ka bulawang medalya sa gipahigayon nga 19th Best of Best Open Dance Sport Championships sa nasud sa Hongkong.

Zamboanga del Sur – Mihakot ug pasidungog para sa nasud sa Pilipinas ang duha ka bata nga taga-Zamboanga Del Sur nga nisalmot sa gihimong 19th Best of Best Open Dance Sport Championships sa nasud sa Hongkong niadtong mga nakalabay’ng adlaw (December 10, 2017).

Gibitbit ni Julvia Mae Sabella,ang upat ka bulawang medalya para sa dance solo competition nga JIVE,SAMBA,CHA-CHA ug RUMBA, samtang duha usab ka bulawang medalya ang ilang gibulsa sa iyang team mate nga si Khairon Morentos para sa double dance compitition nga “Under 11 Latin Dance” ug American Standard para sa “Waltz ug Tango Dance”.



Si Sabella ug Merontos susamang 10-anyos ug grade 5 student sa Guipos Central Elementary School, Guipos, Zamboanga Del Sur nga bugtong nagdala sa pangalan sa Pilipinas para sa naasoy nga kompetisyon.
Gipildi nila ang mga dagko ug inilang mga atleta para sa 10-11 age category sa maong kompetasyon.

Dili sayon Ang nahimong kalampusan sa duha ka Zambosurian gumikan kay na atlan man nga tingtugnaw didto sa nasangpit nga nasud.
Gikalipay ug dako sa duh aka atleta ang naangkon nga mga medalya.
Gipasalamatan usab nila ang ilang mga ginikanan ingon man ang ilang coach nga si Raul Polego na nahimo nilang inpirasyon para ipakita ang ilang talagsaong talent sa tibook kalibutan.

Grabi nga determinasyon matod pa ang ilang gihimo para madughit ang mga medalya isip dungog sa Pilipinas.

Gibutyag ni coach Raul Polego, usa ka magtutudlo nga lakip sa nikuyog didto sa hongkong nga anaa matod pa sa sobra pito ka mga nasud ang nisalmot sa maong kompetisyon sama sa Russia,China,Korea ug Italy.

ZamboSur NewsPatrol



Leave a Reply

Your email address will not be published. Required fields are marked *