Kasong Estafa ang giatubang karon sa Branch Manager sa R.D Pawnshop (Pagadian Branch 2) nga nahimutang sa Pulmones Street corner B. Aquino Street, Santa Lucia, Pagadian City.
Unang nagpalaban sa buhatan sa kapulisan ning syudad ang Area Manager sa R.D Pawnshop nga si Procopio Mayol Pelapil Jr., og nitaho nga samtang nihimo sila og senimana nga checking uban kang Shirlyn Aclan, Quality Assurance Officer ug Jovelle Cañales, Area Assistant Manager ilang nadiskobrehan ang diskrepansiya sa mga items nga gisalig ngadto kang branch manager Yenvie Biosada Aponte, residente Brgy. Santo Niño, ning syudad.
Atol sa pagsuta wala ma-account ang mga alahas nga gilangkuban sa kwentas nga mokantidad sa 26, 500, usa ka Bracelet nga mobalor sa 28, 200, Bracelet nga mokantidad sa 28, 000., Bracelet nga (12.7g, 18k) 22, 850., ug laing usa ka kwentas nga (18.2g, 18k) mokontidada 32, 750 nga tanan nikabat sa 138, 300. Pesos.
Human sa pag-suta, ang respondent nga si Yenvie Biosada Aponte gipahibalo nga dunay dekripansiya sa record apan nisaad kini nga e-settle.
Pinaagi sa advise ni Charyl Marie Dionio, Asst. Group Head of R.D Pawnshop Mindanao Group hingpit nga gipasakaan og kaso ang respondent sa legal counsel nga si Atty. Ernesto Junjun L. Ursal.