Taga Pagadian nga nagpatu-ong dentista nadakpan sa entrapment operation

Gipaslak na karon sa Ipil Municipal Police Station detention cell ang duha kababaye human kining nadakpan sa entrapment operation sa JV Hotel, Purok Rosal, Veterance Village, Ipil, Zamboanga Sibugay alas 7:10 niadtong nakalabay nga gabii. Giila ang nadakpan nga si Leslie Grace Baya Ebesa, 27-anyos, dalaga ug residente sa Purok Banaba Veterans Village, Ipil, Zamboanga Sibugay ug Regilyn Guilingan LobetaƱa, 30-anyos, limulupyo sa PurokPagaypay, Kawit, Pagadian City. Kasong paglapas sa R.A 9484 kun act to regulate the practice of dentistry, dental hygiene and dental technology in the Philippines ang gi-atubang sa mga dinakpan.

Sa imbestigasyon nasayran nga pinaagi ni Patrolman Jez Dimmer Lingcodo maoy nagsilbi nga entrapment agent nga nagpa-ila usab nga customer alang sa dental brace ug human sa iyang pagpagama og posteso nisinyas kini sa tropa sa kapulisan aron pagsulod sa room 103 sa nahisgutan nga hotel. Wala na makapalag pa ang duha katarget ug larong giposasan sa mga pulis.

RMN DXPR

Leave a Reply

Your email address will not be published. Required fields are marked *